Ийм мэдээллийг аймгийн Засаг даргын шуурхайд Боловсрол, шинжлэх ухааны газрын дарга О.Ариунгэрэлт хийлээ. 2022-2023 оны хичээлийн жилд төрийн ба төрийн бус өмчийн 22 сургуулийн 45 бүлгийн 1174 сурагч 12 дугаар анги төгсөж байна. Монгол хэл бичгийн шалгалтыг дөрөвдүгээр сард авахад 1135 сурагч шалгалт өгчээ. Тэдний 1009 нь буюу 88.8 хувь нь 400 онооны босгыг давж их, дээд сургуульд элсэх боломж хангажээ. Босго оноо даваагүй 126 шалгуулагч наймдугаар сард дахин шалгалт өгөх юм байна. Аймгийн хэмжээнд хоёр сурагч авбал зохих дээд оноо болох 800 оноог авчээ.