Автозамын тэмдэг, тэмдэглэгээг хийж, ШТС-уудын галын аюулгүй ажиллагааг хангуулан ажиллуулах талаар тогтмол хяналт тавьж холбогдох арга хэмжээг авч ажиллахыг аймгийн Засаг даргын зүгээс холбогдох албаныханд үүрэг болгосон билээ. Засаг даргын өгсөн үүрэг даалгаврын дагуу Хотын захирагчийн албанаас Автозам дагуу 36 байршилд босоо тэмдэг, таван байршилд 7000м тэмдэглэгээ хийх ажлын гүйцэтгэгч шалгаруулах тендер зарлагдан гэрээ байгуулах шатандаа явагдаж байна. Мөн “Магнай трейд” ХХК-ийн 65 ажилчин болон аймгийн хэмжээнд үйл ажиллагаа явуулж байгаа Шатахуун түгээх станцуудын төлөөлөгчдийг оролцуулан Гамшгаас хамгаалах бодлого, Засгийн газрын 339, 340 дүгээр тогтоолын ач холбогдол, Гал унтраах болон галын хор ашиглах арга зүй сэдвээр сургалт зохион байгуулжээ. [sgmb id="1"]