Аймгийн Засаг дарга Д.Батлутын албан даалгавар болон ИТХ-аас баталсан холбогдох журмын дагуу Эрдэнэтийн хэмжээний аж ахуйн нэгж байгууллага, иргэд өөрийн өмчилсөн, эзэмшил, ашиглаж байгаа газар болон орчныхоо 50 метр хүртэлх зам, талбайн цас, мөсийг цэвэрлэхээр боллоо. Энэ сарын 17-ны өдрийн 14.00 цагт эхлэх бүх нийтийн цэвэрлэгээ нь хөдөлгөөний аюулгүй байдлыг хангах зорилготой аж. Иргэд, ААНБ-ууд ойр орчмын 50 метр зам, талбайн цас мөсийг цэвэрлэх үүргийг дээр дурсан даалгавар, журмаас гадна “Эрүүл ахуйн тухай” хуулийн 13-р зүйлд заасны дагуу биелүүлэх ёстой. Иймд Орхон аймгийн иргэд болон ААНБ-ууд уг ажилд шаардлагатай багаж хэрэглэлээ одооноос базааж энэ сарын 17-ны өдрийн 14.00 цагт идэвхтэй оролцоно уу. Мөн цэвэрлэгээг хийж гүйцэтгэсэн талаарх мэдээллээ өөрийн харъяа багийн Засаг даргын ажлын албанд хүргүүлэх хэрэгтэй юм.[sgmb id="1"]