Жижиг дунд үйлдвэрлэлийг дэмжиж, ажлын байрыг нэмэгдүүлэх зорилгоор Монгол Улсын Засгийн газраас сум хөгжүүлэх сангийн зээлийг 2011 оноос олгож эхэлсэн. Энэ жилийн хувьд манай аймагт арваннэгдүгээрр сарын 1-14-нийг дуустал Сум хөгжүүлэх сангийн зээл хүссэн иргэдийн материалыг Баян-Өндөр суман дээр авсан байна. Өмнөх жилүүдэд зээл авсан иргэдийн эргэн төлөлтөөс дараагийн зээлийг бүрдүүлдэг. Энэ оны хувьд хоёр тэрбум төгрөгийн зээлийн сан бүрдсэн байна. Сум хөгжүүлэх сангийн зээлийг иргэнд 10 сая хүртэлх аж ахуй нэгж, нөхөрлөл хоршоонд 15 сая хүртэлх хэмжээний, гурван жилийн хугацаатай, жилийн хүү нь 3 хувийн хүүтэй олгох юм. Зээл хүсэгч нь Баян-Өндөр сумын иргэн байх, тус суманд үйл ажиллагаа явуулдаг, үйлдвэрлэл үйлчилгээ явуулж байсан туршлагатай, эргэн төлөх чадвартай, банк санхүүгийн байгууллагад хугацаа хэтэрсэн зээлийн өргүй, эрсдлийг даах батлан даагчтай, барьцаа хөрөнгөтэй байх гэсэн шаардлагыг тавьдаг. Зээл хүсэгчдэд тавих шаардлага нь олон нарийн заалттай учир, шаардлагад нийцэх зээлдэгч төдийлөн ховор байгаа нь амьдрал дээр харагддаг. Зээлдэгчдийн эргэн төлөлт ямар түвшинд яваа, зээл эзнээ олсон уу гэдэгт хяналт тавьдаг тогтолцоо байхгүй байгаа юм. [sgmb id="1"] Б.Оюунзаяа