Монгол улсын Ерөнхий аудитын газраас Монгол улсын Ерөнхийлөгчийн 2017 оны ээлжит сонгуульд оролцсон нам, нэр дэвшигчдийн сонгуулийн зардлын дүн, хандивын талаарх мэдээллийг олон нийтэд танилцууллаа. Нэр дэвшигчийн сонгуулийн зардлын орлого, зардал: Монгол улсын Ерөнхийлөгчийн 2017 оны ээлжит сонгуульд нэр дэвшсэн М.Энхболд, Х.Баттулга, С.Ганбаатар нар сонгуулийн хугацаанд нийт 5555 иргэнээс 8 тэрбум 691.9 сая төгрөгийн хандив цуглуулжээ. Мөн дээрх гурван нэр дэвшигчдэд сонгуулийн үеэр 36 хуулийн этгээдээс 498 сая төгрөгийн хандив өргөсөн байна. Үүнээс МАН-аас нэр дэвшигч М.Энхболд 1436 иргэнээс 2 тэрбум 589.2 сая төгрөг, 17 хуулийн этгээдээс 218 сая, нийтдээ 2 тэрбум 807.2 сая төгрөгийн хандив цуглуулсан байна. АН-аас нэр дэвшигч Х.Баттулгад 1643 иргэнээс 3 тэрбум 275.5 сая төгрөг, 18 хуулийн этгээдээс 250 сая нийлээд 3 тэрбум 525.5 сая төгрөгийн хандив өргөсөнийг Ерөнхий аудитын газраас мэдээллээ. Үүний зэрэгцээ МАХН-аас нэр дэвшигч С.Ганбаатарт 2476 иргэнээс 2 тэрбум 827.2 сая төгрөгийн, хоёр хуулийн этгээдээс 30 сая, нийлээд 2 тэрбум 857.2 сая төгрөгийн хандив өргөсөн байх юм. Нэр дэвшигчид сонгуулийн хугацаанд нийт дүнгээр 9 тэрбум 943.3 сая төгрөгийг сонгуульд зарцуулжээ. Үүнээс М.Энхболд -3 тэрбум 603.2 сая Х.Баттулга- 3 тэрбум 485.5 сая С.Ганбаатар- 2 тэрбум 854.6 сая төгрөг зарцуулсан байна. Энэ нь Монгол улсын Ерөнхийлөгчийн 2017 оны ээлжит сонгуульд нэр дэвшигчээс зарцуулах зардлын дээд хэмжээг 3 тэрбум 900 сая төгрөгөөр тогтоосныг дээрх гурван нэр дэвшигч зөрчөөгүй болохыг Аудитын байгууллагаас тогтоосон байна.                                  Х.Баттулга- 3 тэрбум 485.5 сая М.Энхболд -3 тэрбум 603.2 сая 2 тэрбум 854.6 сая Намуудын сонгуулийн зардлын орлого, зардал: 2017 оны Ерөнхийлөгчийн ээлжит сонгуульд оролцсон АН, МАН-ын сонгуулийн зардлын дансанд нийт дүнгээр 13 тэрбум 337.6 сая төгрөг төвлөрүүлсэн аж. Үүний 6 тэрбум 711.5 сая нь МАН-ын, үлдсэн 6 тэрбум 626.1 сая төгрөг нь АН-ын орлого байна. МАХН нь сонгуулийн хугацаанд намын сонгуулийн зардлын дансандаа орлого төвлөрүүлээгүй, зарлага гаргаагүй, зөвхөн нэр дэвшигчийнхээ сонгуулийн зардлын дансыг ашиглажээ. “Сонгуулийн тухай хуулийн 43.6 дах хэсэгт заасан намын зарцуулах зардлын дээд хэмжээ 6 тэрбум 800 сая төгрөг байна” гэсэн заалтыг МАН, АН, МАХН зөрчөөгүй гэсэн дүгнэлтийг аудитын байгууллагаас гаргалаа.[sgmb id="1"]