Аймгийн Засаг дарга Д.Батлут лхагва гарагт хэвлэл мэдээллийн байгууллагын сэтгүүлчидтэй уулзалт хийсэн. Тэрбээр энэ үеэр “Сүүлийн үед 24 цагийн хүнсний дэлгүүр, шөнийн 03.00 цаг хүртэл ажиллах баар, рестораны талаар гаргасан шийдвэрийн талаар шүүмжилж байна. Гэхдээ шүүмжилж байгаа иргэдийн ихэнх нь зориудаар, зохион байгуулалттай хандах боллоо. Шөнийн 03.00 цаг хүртэл бааранд орж хэн нэгнийг архи уу гэж албадаагүй. Харин ч ийм шийдвэр гаргасны үр дүнд гэр бүл дэх архидалт буурч байгааг иргэд ч хэлж байна. Шөнийн 00.00 цагт дэлгүүр хаахлаар шагчид гарч ирдэг. Тэд гарал үүслийн гэрчилгээгүй, баталгаагүй архи зардаг. Хүний амь нас эрсдэх аюултай. Хэдэн жилийн өмнө “Азийн чоно” гэдэг архи уусан 10 гаруй хүн амиа алдсан хэрэг гарсан. Шөнийн дэлгүүрт ганцхан архи зардаггүй. Сүү, тараг гээд өөр олон зүйл зардаг. Эрдэнэт хот баруун аймаг тийш явдаг гол зам. Шөнө, оройн цагаар дайран өнгөрч байгаа иргэд уух усаа авах газар байдаггүй. Энэ бүхнийг бодолцож, иргэдийнхээ амь насыг хамгаалах гэж ийм шийдвэр гаргасан. Одоо Эрдэнэт хотод 24 цагийн ажиллагаатай Эмийн сан байгуулна” гэсэн юм.[sgmb id="1"]