Ардын хувьсгалын түүхт 97 жилийн ой, Орхон аймгийн баяр наадмын үеэр орхончууд сайхан наадсан, баярын үеэр ноцтой хэрэг зөрчил гараагүй талаар зохион байгуулах хорооноос албан ёсоор мэдэгдлээ. Аймгийн Онгой байдлын газрын мэдээгээр баярын үеэр хоёр удаагийн гал түймэр гарчээ.  Аймгийн Цагдаагийн газрын мэдээллээс харвал баяр наадмын үеэр хоёр хүн амиа хорлож, нэг иргэн архины гүн хордлогод орж нас баржээ. Энэ хугацаанд 59 хүнийг эрүүлжүүлж, согтуугаар тээврийн хэрэгсэл жолоодсон 48 иргэнийг саатуулсан байна. Аймгийн БОЭТ-д баярын үеэр 2500 гаруй хүн хандсан байна. Наадмаар БОЭТ-ийнхөн 110 гаруй хагалгаа хийжээ. Архины хордлогын 10 дуудлага ирсэн аж. Энэ хугацаанд хоёр нас баралт гарсны нэг нь архины хордлогын тохиолдол байсан. Харин амьгүй төрөлт нэг бүртгэгдсэн талаар БОЭТ-ийн дарга Б.Батсүх мэдээллээ.