“Эрдэнэт үйлдвэр” ХХК-ийн түүхт 40 жилийн ойн хүрээнд “Эрдэнэт үйлдвэр 40” эрдэм шинжилгээний бага хурлыг зохион байгуулав. Эрдэм шинжилгээний бага хуралд уул уурхай, хүнд үйлдвэрийн салбарын эрдэмтэд мэргэд, ижил төстэй үйлдвэрийн төлөөллүүд оролцон энэ салбарын цаашдын хөгжлийн талаар санал бодлоо солилцон, илтэл тавьж хэлэлцүүлэв. [sgmb id="1"]Энэ удаагийн Эрдэм шинжилгээний хурал гурван чиглэлээр салбар хуралдаан зохион байгуулсан юм. “Уул уурхайн ашиглалт, баяжуулалт” салбар хуралдааны чиглүүлэгчээр Уул уурхай, хүнд үйлдвэрийн яамны Бодлогын хэрэгжилтийг зохицуулах газрын дарга Б.Элбэгзаяа ажилласан юм. Харин “Эрдэнэтийн овооны геологи хайгуулын судалгаа” салбар хуралдааны чиглүүлэгчээр Эрдэнэт үйлдвэрийн Геологи маркшейдэрийн хэлтсийн дарга А.Ундрахтамир, “уул уурхайн дэд бүтцийн хөгжил” салбар хуралдааны чиглүүлэгчээр “Эрдэнэт үйлдвэр” ХХК-ийн Ерөнхий эрчим зүйч Ш.Төрбат нар ажилласан юм. Эдгээрээс “Эрдэнэтийн овооны геологи хайгуулын судалгаа” салбар хуралдаан анхаарлын төвд байж таван ч сонирхолтой илтэд тавьсан билээ. Хуралдааны өмнө төрийн шагналт, гавьяат уурхайчин Ж.Сандуйжав Эрдэнэт үйлдвэрийн геологийн судалгааны түүхийн талаар олон албан ёсны олон геологийн судалгааны талаар сонирхолтой түүхийг өгүүлсэн юм. Түүний өгүүлснээр бол Эрдэнэтийн овооны түүх, геологийн судалгааг нэлээн эртнээс харах ёстой гэнэ. Та бидний мэдэх Амарбаясгалан хийдийг манжийн хааны зарлигаар барьсан. Хийдийг барихдаа түүний гадна өнгийг гаргах зос будгийг  Эрдэнэтийн овооноос тээвэрлэж ирсэн шороог малын цустай гарган авсан байна. Энэ үед амьдарч байсан монголчууд Эрдэнэтийн овооны эрдэс баялгийн талаар ихээхэн мэдлэг, мэдээлэлтэй байжээ. Тиймдээ ч гадныхны гарт үрэгдүүлчихгүйн тулд Эрдэнэтийн овооны оролцоо Ламын хийд байгуулж нэлээн хэдэн овоо байгуулсан байна. Улмаар хувьсгалаас өмнө Хаант Оросын үед генерал Н.М.Прежевальский, Г.Н.Потанин нарын судлаачид судалж байжээ. Хувьсгалын дараа В.А.Обручев зэрэг томоохон эрдэмтдийн экспедиц ч Эрдэнэтийн овоог судалж байсан түүхийг хүүрнэсэн юм. Ийнхүү Эрдэнэт хотод эрдэмтэд  Эрдэнэт үйлдвэрийг ч эх орноо ч хөгжүүлэхээр чуулж санал бодлоо солилцон, ухаан бодлоо уралдуулав.