“Агаарын бохирдлыг бууруулах мастер төлөвлөгөө ”-ний дагуу энэ жил орон нутгийн төсвөөс 500 гаруй айл өрхөд сайжруулсан зуух олгоно. Эрдэнэт хотыг агаарын бохирдлын байдлаар бүсүүдэд хуваасан. Нэгдүгээр бүс буюу хамгийн ихээр агаарын бохирдолд өртдөг Булаг, Баянбулаг, Цагаанчулуут багийн айл өрхүүдэд дээрх сайжруулсан зуухыг олгоно. “Нийтдээ 700 гаруй сая төгрөг зарцуулах уг ажлын бэлтгэл хангагдаж, иргэдэд хөнгөлөлттэй нөхцлөөр, эргэх холбоо, хяналттайгаар өгнө” гэж аймгийн ЗДТГ-ын Хөгжлийн бодлогын хэлтсийн дарга Б.Батдэлгэр мэдээллээ.