“Бид өнгөрөгч хавар Газрын албатай хамтраад олон байгууллага, аж ахуйн нэгжид газар цуцлах шийдвэр хүргүүлсэн. Үүний хажуугаар манай хувийн хэвшлийнхэн нэлээн олон байшин барьж байна. Гэхдээ одоо бид барилга барих дэд бүтцээ судлах цаг болсон. Өгөгдлөө үнэн зөв гаргах чиглэлд анхаарах цаг болсон. Аймгийн зүгээс ШУТИС-ийн эрдэмтэн, багш нартай хамтран хот төлөвлөт, байшин барилга барих чиглэлд хамтран ажиллаж байна. Техникийн нөхцлийг сайн судлахаас эхлээд газрын нөхцөл байдлын болон дэд бүтцийн үнэлгээг маш сайн хийдэг байх ёстой” хэмээн аймгийн Засаг дарга С.Батжаргал мэдэгдэж холбогдох албаныханд дээрх чиглэлээр ажиллах тодорхой үүрэг даалгавар өгсөн юм.