Засгийн газрын ээлжит хуралдаан  арванхоёрдугаар сарын 1-нд болж, хэд хэдэн асуудлыг хэлэлцсэний дунд сурагчдын амралтын хуваарийг баталжээ. Халдварын цар тахлын нөхцөл байдал, хэрэгжүүлэх хариу арга хэмжээний талаар Улсын онцгой комисс танилцуулга хийсэн байна. Үүнтэй холбоотойгоор хилийн хяналтыг сайжруулах, Ерөнхий боловсролын сургуулийн сурагчдын амралтыг зохицуулахыг холбогдох албан тушаалтнуудад үүрэг болгосон аж.

Улсын онцгой комиссын зөвлөмжөөр "Томуугийн улирал эхэлсэнтэй холбоотойгоор Ерөнхий боловсролын сургуулийн хичээлийг энэ сарын 10-наас цахим сургалтад шилжүүлнэ. Сурагчдын нэгдүгээр улирлын амралт энэ сарын 18-наас эхэлж, 45 хоног үргэлжилнэ" гэжээ.