Засаг даргын зөвлөлийн XII хуралдаанаар “Анхдагч”, “Ач санах” хөтөлбөрийн  2021 оны хэрэгжилтийн үйл ажиллагааны тайланг хэлэлцсэн.Эрдэнэт хотын бүтээн байгуулалтад  хувь нэмрээ оруулсан Анхдагч-илгээлтийн эздийг нэгдсэн бодлого, зохион байгуулалтад оруулах, хөдөлмөр бүтээлийг нь алдаршуулах, хүндэтгэл үзүүлэхэд үзүүлэх зорилгоор “Анхдагч”  хөтөлбөр тав дахь жилдээ хэрэгжсэн.

   2021 онд гурван зорилтын хүрээнд 10 үйл ажиллагааг хэрэгжүүлж, жилийн эцсийн гүйцэтгэл 80 гаруй хувьтай дүгнэгдлээ. Тухайлбал, Анхдагч илгээлтийн эздийн эрүүл мэндийг сайжруулахад чиглэсэн төлөвлөгөөт үйл ажиллагаануудыг хэрэгжүүлэх зорилтын хүрээнд гурван үйл ажиллагааг хэрэгжүүлсэн байна.“Ач санах” хөтөлбөрийг мөн тав дахь жилдээ хэрэгжүүлсэн бөгөөд гурван зорилтын хүрээнд 20 ажлыг гүйцэтгэж, гүйцэтгэл 80 гаруй хувьтай дүгнэгдсэн. Ахмад настанд үзүүлэх эрүүл мэнд, нийгмийн халамж хамгааллын үйлчилгээг сайжруулах зорилтын хүрээнд хэвтрийн болон архаг өвчтэй, хөгжлийн бэрхшээлтэй ахмад настанд гэрээр үзүүлэх эрүүл мэндийн тусламж үйлчилгээг үзүүлжээ. Үүгээр хүнд хэлбэрийн хөгжлийн бэрхшээлтэй болон байнгын асаргаа сувилгаа шаардлагатай 60 ахмадад гэрийн тусламж үзүүлэх үйл ажиллагааг Буурлын чагнуур ТББ-тай хамтран зохион байгуулжээ. Мөн сэргээн засах, өдрийн эмчилгээ үйлчилгээг хэвтрийн болон хөгжлийн бэрхшээлтэй 324 ахмадад үзүүлжээ.