Аймгийн ИТХ-ын мягмар гарагийн ээлжит хуралдаанаар аймгийн 2022 оны тодотгосон төсвийг баталлаа. Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.9 дэх заалт, 48 дугаар зүйлийн 48-ын 1 дэх хэсэг, Төсвийн тухай хуулийн 34 дүгээр зүйлийн 34.2.1 зэрэг олон заалтуудыг үндэслэн энэ удаад аймгийн ИТХ 2022 оны аймгийн тосөвт тодотгол хийлээ. Үүнд, нэгдүгээрт аймгийн урсгал орлогыг 160 тэрбум 380 сая 448 мянга 200 төгрөгөөр тогтоосон бол Татварын орлогыг 158 тэрбум 917 сая 969 мянга 500 төгрөгөөр тогтоов. Татварын бус орлогыг 1 тэрбум 462 сая 478 мянга 700 төгрөгөөр тооцжээ. Хоёрт, аймгийн 2022 оны төсөвт төсвийн ерөнхийлөн захирагч , түүний харьяа байгууллага, бусад байгууллагын төвлөрүүлэх орлогын хэмжээг 55.978.7 мянган төгрөгөөр тогтоолоо. Гуравдугаарт, аймгийн ИТХ-ын төсвийг 1 тэрбум 977 сая 559 мянга 800 төгрөгөөр, аймгийн Засаг даргын төсвийг 13 тэрбум 845 сая 742 мянга 800 төгрөгөөр баталлаа. Дөрөвдүгээрт, аймгийн төсвөөс 2022 оны төсвийн жилд Баян-Өндөр суманд олгох санхүүгийн дэмжлэгийн хэмжээг 3 тэрбум 58 сая 586 мянга 600 төгрөгөөр, Жаргалант суманд олгох дэмжлэгийг 2 тэрбум 65 сая 306 мянган төгрөг байхаар батлав. Тавдугаарт 2022 оны төсвийн жилд орон нутгийн төсвийн хөрөнгө, орон нутгийн хөгжлийн сан, авто замын сан, байгаль орчныг хамгаалах арга хэмжээний зардлын хөрөнгөөр хэрэгжүүлэх хөрөнгө оруулалт, төсөл хөтөлбөрийн зардлыг хэмжээг 69 тэрбум 538 сая 130 мянга 900 төгрөг болгон өөрчилж баталсан юм. Зургаад, 2022 оны төсвийн жилд Орон нутгийн хөгжлийн сангаас Жаргалант сумын Орон нутгийн хөгжлийн санд 2 тэрбум 735 сая 781 мянга 900 төгрөг, Баян-Өндөр суманд 2 тэрбум 657 сая  7 мянган төгрөг баталлаа. Долоод нь 2022 оны төсвийн жилд төрийн болон орон нутгийн өмчийн барилгын үйлчилгээ, ашиглалтын зардлыг 12 тэрбум 30 сая, 757 мянг 300 төгрөг байхаар батлав. Харин аймгаас 2022 онд улсын төсөвт тэгшитгэн төвлөрүүлэх орлогын хэмжээг 84 тэрбум 23 сая 905 мянга 600 төгрөг байхаар аймгийн ИТХ-ын хуралдааны тогтоолоор баталсан юм.