ЭМЯ  болон ЭМХТ-ийн удирдлагууд газар хэлтсийн дарга нар Японы "ЖАЙКА" олон улсын байгууллагын төлөөлөл манай аймагт ажиллав. Энэ үеэр “Эмч, эмнэлгийн ажилтан ба сувилахуйн төгсөлтийн дараах сургалтын чанарыг сайжруулах” төслийн хүрээнд Орхон аймгийн БОЭТ болон Дархан, Булган, Сэлэнгэ зэрэг аймгийн сувилагч нарыг сургагч багшаар бэлтгэх сургалт, болоод эмч эмнэлгийн ажилтануудтай туршлага солилцож, тулгамдаж байгаа асуулдыг шийдвэрлэх уулзалтыг  “Хүүхдийн ордонд”  зохион байгууллаа. Энэ үеэр  “Эрдэнэт Медикал” эмнэлгийн түргэвчилсэн нарийн эмчилгээ тусламж үйлчилгээ үзүүлэх тусгай зөвшөөрлийн гэрчилгээг гардуулжээ.

    Эрүүл мэндийн байгууллага ажилтануудын тулгамдаж байгаа гол асуудал нь ажлын байрны цалингийн зэрэглэлийн талаар, болон цахим шилжилттэй холбоотой  үүсч байгаа асуудлууд, мөн компьютер, техник хэрэгцээтэй байгаа талаар ярилцсан гэлээ. Төслийн нэгдүгээр үе шат 2015 оноос 2020 оны арванхоёрдугаар сар хүртэл хэрэгжсэн бөгөөд сувилахуй, эх барихуйн салбарт шинэ сувилагч, эх баригчийг ажлын  байран дээр сургаж дадлагажуулах, сургалтын удирдамж  хөтөлбөрийг боловсруулах, нэвтрүүлэх замаар төгсөлтийн дараах сургалтыг сайжруулж, чадавхижуулах юм.

Монгол Улсад  2021 оны байдлаар нийт 57 мянган эрүүл мэндийн ажилтан ажиллаж байна. Үүний 13473 нь сувилагч байгаа юм. Орхон аймагт 1692 ажилтан эрүүл мэндийн тусламж үйлчилгээ үзүүлж байгаагаас 419 нь сувилагч байна.