Зургаадугаар сарын 19-ний билэгт сайн өдөр Д.Өсөхбаяр тэргүүнтэй Эрдэнэтийн МоАХ-ны партизанууд, гишүүд, дэмжигчид эрдэнэтчүүдийнхээ төлөө байгаль дэлхийгээ аргадан, хур бороо цагтаа бууж, ард нийтээр аюулт өвчин зовлонгүй амар тайван байхын төлөө Баян-Өндөр хайрханаа сан тавиулж, Бүрэнбүстийн овоог тахиж, баяр наадам зохион байгуулав.

Өнөө жилийн хувьд 32 дахь удаагаа Бүрэнбүстийн овоог тахих тахилга, тайлга наадамд эрдэнэтчүүд өргөнөөр оролцож энэ жилийн эрийн дөрвөн наадмыг харан баясч цэнгэлээ.  

Эрдэнэтийн МоАХ-ны партизанууд, аймгийн АН-ынхан, Зохион байгуулах комиссынхон наадмыг үнэхээр сайхан газарт сонгон зохион байгуулав. Хүчит бөхчүүд барилдан, их насны морьд хурд шандсаа сорьж, эрхий мэргэн харваачид, шагайн харваачид цэц мэргэнээ сорьсон энэ наадам улсын баяр наадмын өмнөх сорилго гэж болохоор ч байв. Зохион байгуулагчдын зүгээс наадамчдын эрүүл, аюулгүй орчинд ая тухтай наадах бүхий л боломжийг хангахын тулд Хот тохижуулах газрын үйлчилгээний ажилчдтай хамтран ажилласан юм. Өдгөөгөөс 20 шахам жилийн өмнө буюу 2014 оны Бүрэнбүстийн овооны наадамд өнөөгийн улсын арслан Э.Оюунболд, улсын заан С.Пүрэвсайхан нар харцага цолтой байхдаа хүрэлцэн ирж барилдан түрүүлж, үзүүрлэж байжээ. Асрын айраг амт чимчигнүүлсэн энэ удаагийн Бүрэнбүстийн овооны наадам Ардын хувьсгалын 100, 101 жилийн давхар ой тохиосон түүхт ойн өглөө хүртэл ам дамнан яригдах нь ээ.