Аймгийн Засаг даргын шуурхайд Хот байгуулалт, барилга захиалагчийн албанаас мэдээлэл хийлээ. Аймгийн хэмжээнд энэ онд хэрэгжиж байгаа 197 ажил байгаа. Түүнээс тэрбум төгрөгнөөс дээш санхүүжилттэй 38 ажил байгаа аж. Орхон аймгийн санхүүжилттэй 17, Улсын төсвийн хөрөнгө оруулалттай 16, Баян-Өндөр сумын ОНХС-ийн хөрөнгө оруулалттай  1, “Эрдэнэт үйлдвэр” ТӨҮГ-ын хамтын ажиллагааны хүрээнд хийгдэх хөрөнгө оруулалттай 4 ажил байна. Эдгээрээс өнөөдрийн байдлаар Ашиглалтад оруулах комисс хүлээн авсан 5, захиалагчийн дүгнэлт гарсан 2, нэмэлт төсөв шаардлагатай, санхүүжилт дутуу тавигдсан 21, 2023 оны хөрөнгө оруулалтад суугдаагүй 2 ажил байгаа ажээ. Мөн энэ онд дуусган, улсын комисст хүлээлгэн өгөх хуваарьтай 3 ажил байгаа талаар дуулгалаа.