Орхон аймгийн 2022 оны хөрөнгө оруулалтын ажлын талаарх мэдээллээс харвал төлөвлөсөн 140 ажлаас Жаргалан суманд ногооны зоорь барихаас бусад 139 нь тендэр зарлагдаж, гэрээ байгуулсан байна. Аймгийн хөрөнгө оруулалтаар 83 ажил хийхээс 82 нь гэрээ байгуулан ажил эхэлжээ. Үүнд 26 тэрбум 833.1 сая төгрөг төсөвлөжээ. Улсын төсвийн хөрөнгө оруулалтаар хийх 5 ажилд 8 тэрбум 582 сая төгрөг суулгасан байна.

Харин Баян-Өндөр сумын ОНХС-ийн хөрөнгөөр хийх 33 ажилд 3 тэрбум 826.4 сая төгрөгөөр хийж байна. Жаргалант сумын ОНХС-ийн хөрөнгөөр хийх 19 ажилд 2 тэрбум 82.9 сая төгрөгийн хөрөнгө оруулалтын ажил өрнөж байна.