Шударга өрсөлдөөн хэрэглэгчийн төлөө газрын төлөөлөл  болох улсын байцаагч нар орон нутагт ажилладаг. Харин манай аймагт орон тооны бус, үндсэн цалин урамшуулалгүй ч ШӨХТГ-ын улсын байцаагч гэсэн үнэмлэхгэй Б.Хашчулуун гэдэг хүн эрдэнэтчүүдийн төлөө ажилладаг гэдгийг бид мэднэ. Цар тахлын үед, хөл хорионы цагаар иргэд гэлтгүй худалдаа эрхлэгчид ШӨХТГ-ын байцаагчид гомдлоо гаргаж, асуудлаа шийдүүлэн ажиллаж байсан. Бүр сүүлдээ “Хамгийн хэрэгтэй хүн чинь ШӨХТГ-ын улсын байцаагч юм байна шүү дээ” хэмээн дуу алдаж байхав.

ШӨХТГ-аас аймгийн ИТХ-ын даргад “... аймаг, орон нутагтаа Өрсөлдөөний тухай хуулийг хэрэгжүүлэх, бусад хууль тогтоомжийн хүрээнд Орон тооны бус Зөвлөл байгуулж ажиллах тухай” албан бичиг ирүүлжээ.

Үүний дагуу аймгийн ИТХ-ын Ажлын албанаас санаачлан Орхон аймагт Орон тооны бус Зөвлөл байгуулахаар асуудал боловсруулж Зөвлөлийн хурлаар хэлэлцсэн юм. Өнөөдрийн байдлаар Төв, Дархан-Уул зэрэг 3 аймагт ТЗ-гийн 6-гаар цалинждаг, ШӨХТГ-ын роон тооны улсын байцаагч ажилладаг байна. Харин нэр бүхий 6 аймаг, орон нутаг аймгийн ЗДТГ-ын Хууль, эрх зүйн хэлтсийнхээ орон тоонд багтаан Иргэдэд үйлчилдэг, иргэдийн төлөө, Өрсөлдөөний тухай хуулийг хэрэгжүүлдэг, шалгадаг улсын байцаагчийг ажиллуулдаг байна. Харин манай аймгийн хувьд сарын 500 мянган төгрөгийн урамшуулалтай, түүнийхээ 50 мянгыг ХХОАТ-т тушаагаад гар дээрээ 450 мянган төгрөг авдаг орон тооны бус, сайн дурын ч гэмээр ШӨХТГ-ын улсын байцаагч ажилладаг байна. Улсын байцаагч Б.Хашчулуун “Маргаашнаас эхлэн өрөөний тогийг таслахаар болсон.Хэрэглээний усыг хязгаарлаж байгаа. Аймгаас зөвхөн урамшуулал л өгдөг болохоос өөр 1 ширхэг бичгийн цаас ч авах хөрөнгө өгдөггүй” тухай аймгийн ИТХ-ын Зөвлөлийн гишүүдэд дуулгасан ч асуудал нэг их өндрөө авсангүй Орон тооны бус Зөвлөлийн гишүүдийн нэрийг сонссоноор дуусгавар болов.  

ШӨХТГ-аас орон тооны улсын байцаагч ажиллуулах тухай аймгийн ЗДТГ-ын дарга асан Д.Соёлчхүүд 3 ч удаа албан бичиг илгээсх бүрт “Манай Тамгын газарт танай улсын байцаагчийг багтаах орон тоо байхгүй, болможгүй” гэсэн хариу өгч байжээ.

Ямар ч байсан аймгийн ИТХ-ын Зөвлөлийн гишүүд Орхон аймагт ШӨХТГ-ын хүсэлт, шаардлагын дагуу энэ чиглэлийн асуудлыг хариуцсан Орон тооны бус Зөвлөлийг байгуулах асуудлыг ээлжит XII хуралдаанд оруулахаар боллоо.