Цахим орчинд саяхнаас Орхон аймгйин МАН-ын Хороо “Шинэ жилийг тэмдэглэхгүй байх”-аар шийдвэрлэсэн тухай мэдээлэл түгэв. Иргэд төдийгүй эрдэнэтчүүд аймгийн МАН-ын хорооны саналыг дэмжиж байна шүү. Ер нь “Ёолк буюу Ёолох” нэртэй баярыг монголчууд өнгөрсөн зууны 1920-иод оны дундуур анх тэмдэглэсэн байдаг. Ардын уран зохиолч Шаравын Сүрэнжавын “Хэрлэнгийн баръяа” зэрэг ном зохиолд “Ёолк буюу Ёолох” нэртэй баярын тухай өгүүлсэн нь бий. Уншаад үзвэл их сонирхолтойн зэрэгцээ ухаарал хайрлана шүү.

Ханиад томуу дэлгэрсэн энэ үед нийтийг хамарсан баяр ёслолын арга хэмжээ тийм ч сайн зүйл биш. Дээр нь эдийн засгийн хувьд ч хүндрэлтэй байгаа энэ цаг үед тэтгэвэрийн хөгчүүлээ, төрийн албан хаагчдаа нэг оройн 120-190 мянган төгрөгийн үнэтэй Шинэ жилийн баярт “Заавал ир” гэж хэлэх нь арай л биш. Тиймээс аймгийн МАН-ын Хорооны Тэргүүлэгчдийн гаргасан “Шинэ жил тэмдэглэхгүй байх” уриалгыг цааш нь “Share”-лэе л дээ.

Шинэ жилийн баярыг гэр бүлийн хүрээнд, гэр бүлийн баяр байдлаар тэмдэглэдэг соёлд бид суралцах ёстой. Түүнээс биш “Би 5 шинэ жилд орсон. Баяраа 3 шинэ жилийн арга хэмжээнд орсон гэнэ ” хэмээн сайрхах, гайхуулах яриа, цаг үе ард хоцорчээ.

Д.Батлут даргатай Орхон аймгийн Орхон аймгийн МАН-ын Хороо саяхан хуралдан ийм шийдвэр гаргасан байна.  

Орхон аймгийн Монгол Ардын Намын хороо шинэ жил тэмдэглэхгүй байхаар шийдвэрлэлээ.

Ханиад томуу, томуу төст өвчний тархалт буураагүй мөн “Ковид-19” цар тахлаас шалтгаалан үүссэн нийгэм эдийн засгийн хүндрэл үргэлжилж байгаа энэ цаг үед Орхон аймгийн Монгол Ардын Намын хорооны тэргүүлэгчдийн хурлаар намын шинэ жилийн баярыг зохион байгуулахгүй байхаар шийдвэрлэлээ. Өнгөрсөн хугацаанд цаг үеийн нөхцөл байдлаас шалтгаалан шинэ жилд зарцуулагдах төсвөөрөө 2018 онд 10 өрхөд гэр, 2019 онд 1000 гаруй хүүхдэд бэлэг 2020, 2021 онд 3000 гаруй хүүхдийг баярлуулсан юм.

Энэ жил мөн адил Орхон аймгийн Монгол Ардын Намын хороо нийгмийн сайн сайхны төлөө шинэ жилийн төсвөө зарцуулахаар шийдвэрлэлээ.