Аймгийн Засаг даргын шуурхайд Эрүүл мэндийн газрын дарга Д.Сүхээ Томуу, томуу төст өвчин, коронавирусын нөхцөл байдлын талаар мэдээлэл хийв. Тэрбээр “Шинэ оны нэгдүгээр 7 хоногт коронавирусын халдварын 1 шинэ тохиолдол бүртгэлээ. Үүний өмнөх 7 хоногт огт бүртгэгдээгүй байсан.  2023 оны нэгдүгээр 7 хоногт томуугийн цар тахлын хүндрэлийн үнэлгээгээр аймгийн хэмжээнд томуу, томуу төст өвчин алаг цоог дэгдэлтийн төвшинд байна. Нэгдүгээр сарын 9-ний байдлаар БОЭТ-ийн Хүүхдийн тасагт 132 хүүхэд хэвтэн эмчлүүлж байна. Эрчимт эмчилгээний тасагт 0-4 насны 10 хүүхэд байна. Хүүхдүүд амьсгалын замын цочмог ханиадтай. Нэгдүгээр сарын 2-8-ны хугацаанд Хүлээн авах, амбулаториор 726 хүүхэд үзүүлсэн. Нийт хүүхдийн 77.2 хувь буюу 561 нь амвсгалын замын шалтгаант үзлэг байна” хэмээн мэдээллээ.