Аймгийн Онцгой комиссоос цар тахлын үед коронавирусын эсрэг ажиллахад иргэдээс ирүүлсэн хандив, хөрөнгийн зардлын тайланг олон нийтэд танилцууллаа. Хоёр жил дамнан үргэлжилсэн цар тахлын үед  иргэн, аж ахуйн нэгжээс нийт 177.7 сая төгрөгийн хандив тусламж үзүүлсэн байна.

2020 онд л гэхэд 28 иргэн, 45 аж ахуйн нэгж, хуулийн этгээдээс 167 сая 325 мянган төгрөгийн хандив тусламжийг аймгийн Онцгой комисст ирүүлжээ. Аймгийн Онцгой  комисс иргэн, аж ахуйн нэгжийн хандиваас ариутгалын зориулалттай “Фотон” маркын 3 тн-ын багтаамжтай тусгай зориулалтын автомашиныг 65 сая төгрөгөөр худалдан авсан байна.

Харин 2021 онд 6 аж ахуйн нэгж, хуулийн этгээдээс 8.5 сая төгрөгийн мөнгөн хандив ирүүлсэн байна. Мөн 9 иргэн, 8 аж ахуйн нэгжээс 10.4 сая төгрөгийн үнэ бүхий ариутгалын бодис, халдвар хамгааллын хувцас хэрэгсэл хандивласан байна. Энэ талаар өнөөдөр аймгийн Онцгой комиссоос хэвлэлийн бага хурал хийлээ.