“Эрдэнэт хотын гамшигт тэсвэртэй байдал” төслийн бүрэлдэхүүн болох “Гэр хорооллын усан хангамжийг сайжруулах” цэвэр, бохир усны шугамын засвар шинэчлэлтийн ажлын тендер зарлагдлаа. 
       Орхон аймагт Европын сэргээн босголт, хөгжлийн банкны санхүүжилтээр “Эрдэнэт хотын гамшигт тэсвэртэй байдал” төсөл хэрэгжиж байгаа билээ. Төслийн хүрээнд усан хангамжийг сайжруулах, Үерийн эрсдэлийн менежмент буюу үерийн далан байгуулах ажлыг тус тус хийж гүйцэтгэх юм. 
      Төслийн бүрэлдэхүүн болох “Гэр хорооллын усан хангамжийг сайжруулах” хэсгийн Орхон аймгийн Баян-Өндөр сумын хэсэгчилсэн цэвэр, бохир усны шугамын засвар шинэчлэлтийн ажлын тендер зарлагджээ. Тендерийн талаарх мэдээллийг ЕСБХБ-ны Худалдан авах ажиллагааны портал (ECEPP) https://ecepp.ebrd.com/delta/viewNotice.html?accessCode=49H5N55245  холбоосоор нэвтэрч танилцах боломжтой ажээ.