Эрдэнэт хотын Захирагч С.Батжаргалын Ажлын албаны даргын суудал эзэнгүй байгаа. Одоогоор даргын албан үүргийг түр орлон гүйцэтгэгч хашиж байгаа. Манай аймгийн нэр нөлөө бүхий улстөрч, албан тушаалтай даргын эхнэр өөрийн дотны найздаа “Хотын захирагчийн албаны даргын суудлыг амласан” тухай мэдээлэл дуулдаж эхэллээ.

Төрийн албыг төрлийн, найз нөхдийн болгож бие биедээ санал болгох, ажил албан тушаалд томилох нь эрх мэдэл бүхий том дарга нарын хийх ажил. Түүнээс биш захын нэг хурган дарга хэн нэгэн хүнд албан тушаал амлаад байхгүй, сачий нь ч хүрэхгүй л дээ. Өнөөдрийн байдлаар Хотын захирагчийн албаны даргын сонгон шалгаруулалтыг Орхон аймгийн Төрийн албаны салбар зөвлөлөөс зарлаад байгаа ч эрх мэдэл бүхий зарим томоохон албан тушаалтны эхнэр Сонгон шалгаруулалтад хөндлөнгөөс нөлөөлж найздаа даргын суудал амлаад байгаа бололтой.