Худалдаа үйлчилгээний “Оргил Хялганат” ХХК-ийн ажилтан Ж.Баярсайхантай ярилцлаа. Аж ахуйн нэгжүүд хар зам тавигдсанаар хөжлийн шинэ гарц нээгдэж байгааг бизнесмений хувьд ярьж байна.

-Ид нүүдэл суудлын үеэс хойш бид орон нутгаа гэсэн сэтгэлээр олон жил нутагтаа ажиллаж амьдарч ирлээ. Хар замтай болох хүсэл мөрөөдөл 1990-ээд оноос хойш Хялганатчуудын том мөрөөдөл байсаар ирсэн. Хэзээ ч биелэхгүй байх гэсэн хүсэл мөрөөдөл маань сүүлийн жилүүдэд яригдаж эхэлсэн. Замын ажлыг эхлүүлсэнд бид баяртай байна. Хялганатын иргэдийн амьдралд тустай, машин техникийнх нь эвдрэл багасахаас эхлээд олон сайхан өөрчлөлт авчирна гэж бодож байна.

-Цаашид хар зам маань Эрдэнэт хүртэл тавигдахад ард иргэдийн амьдралд мэдэгдэхүйц өөрчлөлт гарч, амьдрал нь дээшилнэ. Хүмүүсийн урсгал, хандлага нэмэгдэж эхэлсэн нь мэдэгдэж байна. Манай компани гэхэд худалдаа үйлчилгээний чиглэлээ өргөжүүлж, мод боловсруулах, зам тээвэр, зам засвар зэргээр үйл ажиллагааны хувьд өргөжүүлэх бодолтой байна.

-Ирээдүй болсон хүүхэд залуус орон нутгаа гэсэн сэтгэлтэй байж, цэвэр, эрүүл орчинтой Хялганатдаа ирж ажиллаж амьдрахад шинээр барьж байгаа хар зам том нөлөө үзүүлнэ гэж бодож байна.