Хот тохижуулах газрын ажилчид өнгөрсөн 7 хоногт гэр хорооллын айл өрхийн 1224 м куб хогийг ачиж, тээвэрлэжээ. Мөн

*** Орон сууцны хорооллоос 1072 м куб

*** Хөдөлгөөнт чингэлэгээр 900 м куб

*** Аж ахуйн нэгжийн 112 м куб

*** Албан газрын 240 м куб

*** Орон сууцны хороолол дундаж аж ахуйн нэгжийн 112 м куб

*** Эзэнгүй дүүргийн 24 м куб хогийг ачиж тээвэрлэсэн байна. Нийтдээ 7 хоногт дунджаар 3664 м куб хогийг Хот тохижуулахынхан ачиж тээвэрлэдэг байна. Гэр хороооллын иргэдийн хувьд хуваарьт хог ачилт хийх болоогүй байхад хашаанаасаа хогоо гаргаж асгадаг. Энэ нь сүүлдээ хогон овоо болж өөрсдийнх нь эрүүл аюулгүй орчинд амьдрахад бэрхшээл учруулж эхлэнгүүд ийш тийш нь утас цохиж “Хог ачихгүй байна, Манай гадаа хогон овоо үүслээ. Хот тохижуулахынхан ажлаа хийхгүй байна” гэж гомдоллодог нь тус байгууллагын ажилд хүндрэл үүсгэдэг байна.

Хот тохижуулах газрын ажилчид байшин болон гэр хорооллын хогийг ачиж тээвэрлэснээр ажил нь дуусдагагүй. Нохой, муур устгалын ажил хийнэ, ногоон байгууламжийн хамгаалалтын хайс, хашааг засварлах, автобусны буудлын хог хаягдлын цэвэрлэгээ, үйлчилгээг хийх, хүүхдийн тоглоомын талбайн орчны хогийг цэвэрлэх, эвдэрсэн зүйлийг сэргээн засварлах, хөлбөмбөг, сагсан бөмбөгийн талбайн орчмын цэвэрлэгээ, кольцог сэргээн засварлах гээд түмэн ажил хариуцдаг. Иргэдийн хувьд иргэний үүргээ ухамсарлан хогоо зориулалтын саванд хийж, цонхоороо хог хаяхгүй байж, тэдний ажлыг бага ч гэсэн хүндэтгэж байвал Хот тохижуулахын ажилчдад том тус болох ажээ.