Аймгийн хэмжээнд Бүх нийтийн их цэвэрлэгээг дөрөвдүгээр сарын 24-28-ны өдөр зохион байгуулсан. Энэ үеэр Хот тохижуулах газрын 168 ажилтан, албан хаагч 20 автомашин, механикмын бүрэлдэхүүнтэйгээр ажиллажээ. Баян-Өндөр сумын Захсаг даргын баталсан зураглал, хуваарийн дагуу эзэнгүй хэсгийн 6, гэр хорооллын 18 багийн нутагт хөдөлгөөнт чингэлэг байршуулж ажилласан байна.

Нийтдээ  5 өдрийн хугацаанд 1223 м 3 хог хаягдлыг тээвэрлэн, дарж устгажээ. Мөн гэр хорооллын авто замыг 3 бүсэд хуваан гуу жалга, нийтийн эзэмшлийн талбайн хог хаягдлыг  зам талбайн 120 үйлчлэгч цэвэрлэж, ачиж тээвэрлэсэн байна.