Үдээс өмнө ширээнийхээ ард сууж иргэдэд үйлчилдэг төрийн албан хаагчид цайныхаа цагийн дараа Сархиа уулын энгэрт мод тарьж байна. “Бүх нийтээр мод тарих өдөр”-ийн хүрээнд Орхон аймгийн төрийн байгууллагын албан хаагчид ийнхүү энэ хаврын мод тарилтыг эхлүүлжээ. Аймгийн ЗДТГ, аймгийн ИТХ-ын Ажлын алба болон Засаг даргын дэргэдэх агентлагууд мод тарьж байгаа аж.

Орхон аймгийн хувьд энэ жил төр, хувийн хэвшлийн байгууллага болон  эрдэнэтчүүдийнхээ оролцоотой нийтдээ 4.7 сая модыг 11 байршилд тарих гэнэ.  Өнгөрсөн жил тарьсан модны ургалт 80 хувьтай байгаа тухай мэргэжлийн байгууллагаас мэдээлсэн.

Эрдэнэтчүүдийн хувьд ирэх амралтын өдрөөрөө Баян-Өндөр уулын Хүрэнбулагийн аман дахь Гэр бүлийн цэцэрлэгт  хүрээлэн, Тарлан толгойн энгэрт мод тарьж болох юм байна. Аймгийн БОАЖГ-аас усалгаа, хар шороо зэргийг блдээд байгаа ажээ.