Шилдэг татвар төлөгчдөд шагнал гардуулах ёслол Нутгийн удирдлагын ордны Амарын танхимд болсон юм. Энэ үеэр аймгийн Татварын хэлтсийн дарга Б.Цэвээнсүрэн татвар төлөгч нартаа мэндчилгээ дэвшүүлсэн юм. Тэрбээр

“Татварын хууль тогтоомжоор хүлээсэн үүргээ биелүүлж улс, орон нутгийнхаа төсвийн орлогыг бүрдүүлэхэд бусдыгаа магнайлсан татвар төлөгч та бүхэндээ татвар төлөгчдийн өдрийн мэндийг хүргэе. Монголын татварын албанаас жил бүр уламжлал болгон зохион байгуулдаг Татвар төлөгчдийн өдрүүд арга хэмжээ маань энэ жил “Цахимаар үйлчлүүлье” уран дор зохион байгуулагдаж байна. Бид энэ арга хэмжээнийхээ хүрээнд аймгийн ЗДТГ, аймгийн ИТХ-тайгаа хамтран тэргүүний татвар төлөгчдөө шалгарууллаа. Улмаар аймаг, орон нутгийнхээ хэмжээнд төдийгүй улсын хэмжээнд шилдэг татвар төлөгчдийнхөө үйл ажиллагааг сурталчлан таниулж байна.

Ингээд 2022 оны ажил үйлсээрээ тэргүүний татвар төлөгчөөр шалгарсан танай хамт олны ажил үйл улам тэгширч, төрийн сан хөмрөг арвин байх болтугай. Татвар төлөгч та бүхэндээ баярлалаа” гэв.