Орхон аймгийн 2022 оны бичил сигментийн шилдэг татвар төлөгч “Тэмүүжин Оргил” компанийн захирал Ц.Сарантуяагийн сэтгэгдлийг хүргэе.

2022 оны татвар төлөлтөөрөө Орхон аймгийн шилдэг аж ахуйн нэгж болсондоо манай хамт олон баяртай байна. Манай байгууллага 2005 оноос үйл ажиллагаагаа тасралтгүй явуулж ирсэн. Талх, нарийн боов үйлдвэрлэлийн чиглэлээр ажилладаг, 30 гаруй ажилтантай. Татвар төлөхийн ач холбогдол бол үнэхээр их. Үүнийг ойлгож, татвараа цаг тухайд нь найдвартай, тасралтгүй төлөхийг чухалчилдаг, манай байгууллагын хувьд. Манай ажилчид ч 100 хувь татвараа төлдөг.

Өнөөдрийн энэ амжилт бол ганц миний баяр биш. Хамт олны минь хүч хөдөлмөр, хичээл зүтгэл шингэсэн байдаг. Иймд  хамт олондоо “Та нар минь мундаг байсан шүү” гэж хэлмээр байна. “Тэмүүжин Оргил” компанийн хувьд 2 дахь удаагаа Орхон аймгийн шилдэг татвар төлөгчөөр шалгараад байна.