Аймгийн Засаг даргын шуурхай дээр С.Батжаргалаас аймгийн Эрүүл мэндийн газрын дарга Д.Сүхээд “Орхон аймгийн өрх бүрт эмч нарын баг хүрч үйлчлэх ажлыг зохион байгуул. Үүний тулд төсвөө гаргаж ир” хэмээх үүргийг өгсөн юм. Манай аймгийн иргэдийн хувьд өвчлөлийн асуудал үүсэнгүүт БОЭТ-ийг зорьдог. Тулгамдсан үед эмчийн цаг 2-3 хоногийн дараа байдаг учраас бухимдахдаа цахим орчинд БОЭТ-ийн талаар муулж өгнө. Ийм нөхцөл байдал үүсгэхгүйн тулд аймгийн Засаг даргаас Өрхийн эрүүл мэндийн төвүүдийн ажлыг эрчимжүүлэх, эмчилгээ үйлчилгээ, анхан шатны үзлэгийг чанартай хийх, зарим шинжилгээг Өрхийн эмнэлэг дээр хийлгэдэг болгох талаар ажил хийж төсөв хөрөнгө гаргаж асуудлыг шийдэж байгаа. Өрхийн эмнэлэгүүд тоног төхөөрөмжөөр сайн хангагдсан. Тоног төхөөрөмжөө ажиллуулах тал дээр асуудал байгаа. Үүнийг шийдвэрлэх хэрэгтэй. Ингэснээр БОЭТ-д хүлээлт үүсэх, цаг авах асуудал, дугаарлалт зэрэг хүндрэл үүсэхгүй байх боломж бий.

Иймээс аймгийн Засаг даргын зүгээс Д.Сүхээд үүрэг өгч аймгийн хэмжээний бүх айл, өрхийн хаалгыг нэгбүрчлэн татаж эмч нарын баг хүрч үйлчлэх ажлыг зохион байгуул. Энэ ажилд шаардагдах төсвөө гаргаж ирэхийг үүрэгдсэн.

Нөгөө талдаа эрт илрүүлгийн ажил манай аймагт бусад орон нутгийн бодвол арай дээр байгаа ч шаардлагтай хувь хэмжээнд хүрэхгүй байгаа нь анхаарах асуудал. Ийм мэт шалтгааны улмаас Засаг даргын зүгээс  Эрүүл мэндийн газрын даргад үүрэг өгсөн юм.