Аймгийн Орон нутгийн өмчийн газраас орон нутгийн өмчит газруудын 2023 оны үйл ажилагааны гүйцэтгэлд хяналт хийж, дүнгээ аймгийн ИТХ-ын зөвлөлийн хуралд танилцуулсан байна. “Их шүтээн цогцолбор” ОНӨААТҮГ-ын хувьд аймгийн ИТХ-ын Тэргүүлэгчид, “Эрдэнэт үйлдвэр”-ийн удирдлага санал нэгдэж 2006 оны 6 дугаар сарын 21-нд аймгийн Засаг даргын захирамж гарч, газар эзэмшүүлэх ажлыг эхлүүлжээ. 2012 оны 9 сарын 16-нд бурхан багшийн сэрэг дүрийг бүтээсэн байна.

Тус байгууллага нь аймгийн Аялал жуулчлалыг хөгжүүлэх зорилготой ажилладаг аж. Өнөөдрийн байдлаар захирал, нягтлан бодогч-менежер, бичиг хэрэг-нярав, харуул, үйлчлэгч гэсэн 5 орон тоотой ажилладаг байна. Тэд ТҮ-1-ээс ТҮ-9-өөр цалинждаг гэнэ. “Их шүтээн цогцолбор” нь 6 зорилтын хүрээнд 22 арга хэмжээ авч хэрэгжүүлэхээр төлөвлөжээ. Хэрэгжилтийг нь 61.5 хувьтай хэмээн үнэлсэн байна. Цаашдаа гүйцэтгэлийн төлөвлөгөөний биелэлтийг Засгийн газрын 2020 оны 216 дугаар тогтоол, Засгийн газрын Хэрэг эрхлэх газрын даргын 2020 оны 100 дугаар тушаалын 7 дугаар хавсралтын дагуу биелэлтийг тайлагнахыг зөвлөжээ. Мөн байгууллагын стратеги төлөвлөгөөний хэрэгжилтийг Засгийн газрын 2020 оны 216 дугаар тогтоол, Засгийн газрын Хэрэг эрхлэх газрын даргын 2020 оны 100 дугаар тушаалын 7 дугаар хавсралтын дагуу биелэлтийг тайлагнан “Бодлогын баримт бичгийн хэрэгжилт болон Захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”-ын дагуу 2 жил тутамд үнэлж, тухайн жилийн 2 дугаар улиралд багтаан төсвийн Ерөнхийлөн захирагчид танилцуулдаг. Үүнийг жилийн эхний тайлангийн нэршилд анхаарах. Төлөвлөсөн зорилт арга хэмжээний биелэлтийг шалгуур үзүүлэлтийн дагуу товч тодорхой тоо баримттайгаар үр дүнг тайлагнахыг зөвлөсөн байна.