Аймгийн ИТХ-ын Зөвлөлийн хурал зургаадугаар сарын 29-нд хуралдсан. Хурлаар орон нутгийн өмчит байгууллагын үйл ажиллагааны тайлангийн хэрэгжилтийн 2023 оны дүнтэй танилцсан. Танилцуулгыг аймгийн Орон нутгийн өмчийн газрын дарга Л.Оюунгэрэл хийлээ. “Цэцэрлэгжүүлэлт ногоон байгууламжийн газар” УТҮГ нь Орхон аймгийн ИТХ-ын Тэргүүлэгчдийн 2013 оны 12 дугаар сарын 2-ны өдрийн 149 тоот тогтоолоор байгуулагдсан. 2014 оны нэгдүгээр сараас Эрдэнэт хотын нийтийн эзэмшлийн гудамж талбайн ногоон байгууламжийг нэмэгдүүлэх, арчлан хамгаалах, нөхөн сэргээх, иргэд аж ахуйн нэгж байгууллагад мэргэжил арга зүйн зөвлөгөө өгөх, төсөл хөтөлбөр хэрэгжүүлэх чиглэлээр үйл ажиллагаа явуулдаг байна. Өнөөдрийн байдлаар тус байгууллага 35 орон тоотой ажилладаг ажээ.

Тус байгууллага нь 2023 онд 4 зорилтын хүрээнд 29 арга хэмжээ төлөвлөжээ. Үүнийг нь аймгийн Орон нутгийн өмчийн газраас хянаж үзээд гүйцэтгэл эхний хагас жилд 62.2 хувьтай байна гэсэн үнэлгээ өгчээ. Цаашдаа тус байгууллагын хувьд Архив, албан хэрэг хөтлөлтийн тухай хууль болон холбогдох, дүрэм журмын хэрэгжилтийг хангах, стандартыг мөрдөх, тайлангийн үг үсэг, утга найруулагад анхаарахыг зөвлөсөн байна. Үүнээс гадна гйүцэтгэлийн төлөвлөгөөнд тусгагдсан төлөвлөсөн зорилт, арга хэмжээний биелэлтийг шалгуур үзүүлэлтийн дагуу товч товорхой, тоо баримттайгаар үр дүнгэ тайлагнаж байх, тайланг цаг хугацаанд нь ирүүлж байхыг ч зөвлөжээ.