Аймгийн ИТХ-ын Зөвлөлийн хурлаар орон нутгийн өмчит байгууллагын энэ оны эхний хагас жилийн тайлангийн дүнтэй танилцсан. Танилцуулыг аймгийн Орон нутгийн бмчийн газрын дарга Л.Оюунгэрэл хийлээ.

Аймгийн ИТХ-ын Тэргүүлэгчдийн 2006 оны аравдугаар сарын 10-ны өдрийн 86 дугаар тогтоолоор “Гэр бүлийн ордон” ОНӨААТҮГ-ыг байгуулжээ. Үйл ажиллагааны чиглэл нь гэрлэх ёслолын зан үйлчилгээ аж. Үүнээс гадна ёслолын цэнгүүн, нийтийн хоол, видео бичлэг, гэрэ зургийн үйлчилгээ, хуримын бөгж, бэлэг дурсгал, үнэт эдлэлийн худалдаа, гэр бүлийн хөгжлийн сургалт, хуримын болон ёслолын хувцас, эд хэрэгсэлийн прокатын үйлчилгээзэрэг чиглэлээр үйл ажиллагаа явуулах эрхтэй гэнэ. Нийт 6 ажилтантай, ТҮ-2-ТҮ-10-аар цалинждаг байна.2023 онд тус байгууллага 3 зорилтын хүрээнд 20 арга хэмжээ төлөвлөсөн байна. Аймгийн Орон нутгийн өмчийн газраас дүгнэхдээ тус байгууллагын “20 ажлаас  11 арга хэмжээг тайлагнаагүй” учраас тус байгууллагад  Үнэлэх боломжгүй гэсэн дүгнэлт гаргасан байна.