Орхон аймгийн нийгэм улс төрийн мэдээллийн Erdenetnews.mn сайтын Эрхлэгчээр сэтгүүлч Б.Өлзийдэлгэр ажиллаж байна. Б.Өлзийдэлгэр Үндэсний өдөр тутмын эрэн сурвалжлах “Нийгмийн толь” сонинд сэтгүүлчийн гараагаа эхэлж, Shuud.mn мэдээллийн сайт, Шууд Телевизэд ажиллаж байсан эрэн сурвалжлах чиглэлээр 18 жил ажилласан туршлагатай.

Erdenetnews.mn сайтыг 2011 онд сэтгүүлч агсан Н.Мөнхтөр байгуулж, өнөөдрийг хүртэл ажиллаж байгаа мэргэжлийн редакци юм. Тус сайт байгуулагдсан цагаасаа төрийн байгууллагын мэдээллийг иргэдэд ил тод, нээлттэй мэдээлж  ирсэн. Ялангуяа эрх баригчдын шийдвэр, орон нутгийн төр захиргаанаас гарсан бодлого, үйл ажиллагаанд иргэдийн мэдэх эрхийг хангах үүднээс бодитой, талуудын байр суурийг илэрхийлсэн мэдээлэл түгээдэг. Цаашид мэдээллийн эх сурвалжаа хадгалж, олон нийтээс ирүүлсэн мэдээллийн дагуу бодитой, шуурхай, үнэн зөв мэдээллийг түгээх нийтлэлийн бодлогыг баримтлан ажиллах юм байна.