Энэ онд аймаг, сумын хөрөнгө оруулалтаар 205 бүтээн байгуулалтын ажил хийгдэж байна. Үүнээс 146 ажил бүрэн дуусжээ. Эдгээр нь нийт хөрөнгө оруулалт бүтээн байгуулалтын ажлын 71,2 хувийг эзэлж байна. Аймгийн хөрөнгө оруулалтаар 122 ажил, Баян-Өндөр сумын ОНХС-ийн хөрөнгө оруулалтаар 60 ажил, Жаргалант сумын ОНХС-ийн хөрөнгө оруулалтаар 23 ажил хийгдэж байна.
Хөрөнгө оруулалт, бүтээн байгуулалтын ажлуудаас 50 хувиас дээш хувийн гүйцэтгэлтэй 41 ажил, 50 хүртэлх хувийн гүйцэтгэлтэй 12 ажил, үе шатны хуваариар ажил эхлээгүй байгаа дөрвөн ажил, гэрээ цуцлагдсан хоёр ажил байна.
Тухайлбал, барилга засварын 26 ажлаас 24 нь дууссан, цахилгаан хангамж гэрэлтүүлгийн 76 ажлаас 56 нь дуусжээ. Инженерийн шугам сүлжээний 32 ажил гүйцэтгэхээс бүрэн дууссан 12, 50-иас хувийн гүйцэтгэлтэй гурав, үе шатны хувиараар хоёр ажил үргэлжилж буй.
Мөн авто замын 39 ажил хийгдэж байгаагаас 29 байршилд ажил дуусаж, 50-иас дээш хувийн гүйцэтгэлтэй найм, 50 хүртэлх хувийн гүйцэтгэлтэй дөрөв, гэрээ цуцалсан ажил байна.
Энэ онд аймгийн хэмжээнд 30 байршилд амралт чөлөөт цагийн талбай байгуулахаас 28 нь бүрэн дуусаж, нэг ажил 50-иас дээш хувийн гүйцэтгэлтэй, нэг ажил үе шатны хувиараар хийгдэж байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.