Монгол Улс гурван сая дахь иргэнээ тун удахгүй хүлээн авна. Үндэсний статистикийн хорооноос гаргасан тооцоогоор гурван сая дахь иргэн нэгдүгээр сард мэндлэх гэнэ. Засгийн газраас гурван сая дахь иргэнийг нийслэлийн есөн дүүрэг, 21 аймгаас тус бүр нэг хүүхдийг тодруулах юм. Түүнчлэн хүүхэд тус бүрт орон сууц, түүнтэй тэнцэх хэмжээний мөнгөн шагнал, гурван сая төгрөгийн тэтгэмж олгохоор болсон. Монгол Улсын нэг сая дахь иргэн 1962 оны хоёрдугаар сард төрсөн бол хоёр сая дахь иргэн 1988 онд мэндэлж байжээ. 1988 онд хоёр сая дахь иргэн гэж хот, хөдөөд 25 хүүхдийг тодруулж байсан юм байна.