Дэлхийн зах зээл дээр зэсийн ханшийн уналтаас шалтгаалж “Эрдэнэт үйлдвэр” дэргэдээ Онцгой комисс байгуулан ажиллаж байна. Тус комиссын ээлжит хуралдаанаар өнгөрсөн хурлаас шийдвэрлээгүй үлдсэн зургаан асуудлыг шийдсэн байна. Мөн энэ удаагийн хуралдаанаар үйлдвэрийн хэмжээнд тулгамдсан 44 асуудал оруулж ирсэнээс 36-г нь хэлэлцэж, газар дээр нь шийдвэрлэжээ. Тухайлбал, үйлдвэрийн хэвийн үйл ажиллагааг хангах зорилгоор Энерго цехэд хэрэглэдэг хлорын хэрэгцээг хангахад анхаарав. Уг хлор нь үйлдвэрийн онцгой чухал шаардлагатай түүхий эд юм. Тусгай зөвшөөрөлтэй компани оруулж ирдэг. Одоогоор Хятадаас оруулж ирэх нөхцөлгүй болсон. Тухайн үйлдвэрт нь дэлбэрэлт гарсан учир Оросоос импортолж байгаа аж. Ийнхүү үйлдвэрийн дэргэд байгуулагдсан Онцгой комиссын зүгээс үйлдвэрийг хэвийн ажиллагааг хангах зорилгоор нэн шаардлагатай асуудлыг цаг алдалгүй шийдвэрлэж байна.