Баян-Өндөр сумын Орон нутгийн хөгжлийн сангийн хөрөнгөөр санхүүжүүлсэн “Цахим сум хөтөлбөр”-ийн зардлаар компьютер, тоног төхөөрөмжийг өнгөрсөн онд худалдан авсан байна. Сумын ЗДТГ болон багуудын ажлын хэрэгцээнд 32 ширхэг компьютерийг ашигладаг. Харин 34 ширхэг “I Pad”-ыг Баян-Өндөр сумын ИТХ-ын төлөөлөгчид эзэмшиж байгаа. Төлөөлөгчдийн ажлын хэрэгцээнд авсан дээрх “I Pad”-ын нэг ширхэгийн үнэ нь 1.3 сая төгрөгийн өртөгтэй нийлүүлсэн нь өндөр ханштай байна гэж аудитынхан үзжээ. Мөн албан ажлын хэрэглээнд ашиглах боломж хязгаарлагдмал учир төсвийн хөрөнгийг үр дүнгүй зарцуулсан гэж үзжээ. Энэхүү худалдан авалтыг Баян-Өндөр сумын Орон нутгийн хөгжлийн сангаас зохион байгуулсан байна. Л.Гэрэл