Аймгийн Шүүхийн шийдвэр гүйцэтгэх албаны мэдээллээс харвал тус байгууллагынхан энэ онд хүүхдийн тэтгэвэр олголтын 60-70 баримтад холбогдох 240 сая төгрөг олгуулах ажлын шийдвэр гүйцэтгэлийг хийсэн байна. Эдгээрээс өнөөдрийн байдлаар хүүхдийн тэтгэвэр тогтоолтын 700 гаруй баримтад гүйцэтгэл хийгдэж байгаа аж. Мөн үүнээс гадна 2015 оны эхний есөн сарын байдлаар шүүхийн шийдвэр гүйцэтгэлийн 970 гаруй төлбөрийн 10 тэрбум төгрөгийн өртөгтэй баримтад ажиллагаа хийгдэж эхэлжээ. Үүний 370 гаруй төлбөрийн баримтад холбогдох 2.5 тэрбум төгрөгийг барагдуулаад байна. Үлдсэн 600 гаруй төлбөрийн баримтын 7 тэрбум гаруй төгрөгийн ажиллагааг Шүүхийн шийдвэр гүйцэтгэлийн албаны шийдвэр гүйцэтгэгчид хийж байна. Аймгийн хэмжээнд жилдээ ахуйн болон гэмт хэргийн чанартай 500 гаруй хэрэг үйлдэгддэг байна. Эдгээрт нийтдээ нэг тэрбум төгрөгийн хохирол учирдаг. Нийт мөнгөн дүнгийн 65-70 хувийг хэрэг бүртгэлт, мөрдөн байцаалтын шатанд барагдуулдаг гэдгийг цагдаагийн байгууллагаас мэдээллээ.