Аймгийн Улсын бүртгэлийн газрын даргаар Д.Мөнхболд, Хөдөлмөр, халамж үйлчилгээний хэлтсийн даргаар Х.Эрдэнэбат нар томилогдож байгаа тухай манай сайт энэ сарын 15-нд мэдээлж байсан. Оюуны өмч, Улсын бүртгэлийн газрын даргын тушаалаар Орхон аймгийн Улсын бүртгэлийн газрын даргын үүргийг түр орлон гүйцэтгэгчээр Д.Мөнхболдыг томилж, ажлыг нь хүлээлцүүлжээ. Д.Мөнхболд нь 1987 онд Эрдэнэт хотын арван жилийн нэгдүгээр сургуулийг төгссөн байна. ОХУ-ын Братск хотын Үйлдвэрлэлийн дээд сургуулийг барилгын инженер, материал судлал мэргэжлээр төгжээ.1997-1998 онд Улс төрийн дээд сургуульд суралцан улс төрийн дээд боловсрол эзэмшсэн. 2001 онд “Отгонтэнгэр” их сургуулийг эрх зүйч мэргэжлээр төгссөн. ”Их засаг” их сургуулийн магистрантурт суралцдаг. Тэрбээр 1987-1990 онд МАНЗ-д цахилгаанчин, хийн гагнуурчин 2002-2004 онд “Очир ундраа даатгал” компанид менежер, хуулийн зөвлөх 2004-2007 онд “Дархан сэргэлэн” компанийн гүйцэтгэх захирал 2007-2009 онд Баян-Өндөр сумын ЗДТГ-т хуулийн зөвлөх 2009-2015 онд аймгийн ЗДТГ-ын Хууль зүйн хэлтэс ахлах мэргэжилтэн 2015-2016 онд аймгийн МХГ-т Захиргаа, удирдлагийн хэлтсийн даргаар ажиллаж байжээ.