Сар шинийн баярын өдрүүдээр аймгийн хэмжээнд гэмт хэргийн ноцтой зөрчил гараагүй. Цагдаагийн байгууллагад иргэдээс 315 дуудлага ирүүлсэний 8 нь гэмт хэргийн шинжтэй байжээ. Үүний гурав нь хулгайн гэмт хэрэг байна. Энэ хугацаанд 120 хүнийг албандан саатуулж биеэ авч явах чадваргүй 37 иргэнийг ар гэрт нь хүлээлгэн өгсөн аж. Аймгийн Засаг даргын А/657 тоот “Хариуцлагатай жижүүр ажиллуулах тухай” захирамж гарсанаар баярын өдрүүдэд аж ахуйн нэгж, байгууллага дээр гэмт хэргийн чанартай хэрэг гараагүйг цагдаагийнхан онцоллоо. Сар шинийн баяраар аймгийн хэмжээнд согтууруулах ундаа хэрэглэсэн үедээ автомашин жолоодсон 19 зөрчил илэрсэн байна. Аймгийн цагдаагийн газрынхан баярын үеэр эрэн сурвалжлагдаж байсан гурван хүнийг олж, эзэн холбогдогч нь тогтоогдоогүй долоон хэргийг илрүүлсэн байна. [sgmb id="1"]