Хүнсний ногооны тариалалтаар Эрдэнэт хотын хүн амын хэрэгцээг хангаж ирсэн Жаргалант сумын ногоочдод Хангалын голын бохирдолтой холбоотой хүндрэл жил бүр тулгардаг. Энэ нь Хангалын голын бохир усаар усалсан Жаргалантын ногоо хүнсэнд хэрэглэхэд хортой гэсэн яриа гардаг. Дээрх яриаг зэргэлдээ аймгийн хүнсний ногоо тариаланчид гаргасан байх ч магадлалтай. Энэ ам дамжсан ярианд Хүнс хөдөө аж ахуйн газраас албан ёсны хариултыг өгсөн байна. “Эрдэнэт үйлдвэр”-ийн Хөдөлмөрийн аюулгүй байдал, эрүүл ахуйн хэлтэс, Ус цаг орчны шинжилгээний албаны лабораторийн сүүлийн гурван сарын хугацаанд Хангалын голын усанд хийсэн шинжилгээний дүнг харьцуулан судалсан байна. Уг харьцуулсан дүгнэлтээр Хангалын голын бохирдлын төвшин хүний эрүүл мэндэд сөрөг нөлөөгүй гэсэн дүгнэлтийг Хүнс хөдөө аж ахуйн газрын дарга Ж.Бат-Өлзий мэдээлсэн байна. “Эрдэнэт хивс”, “Эрдмин” компаниуд хаягдал усаа Хангалын гол руу хаяж бохирдуулдаг талтай. Голын дээд хэсэгт үүссэн бохирдол усны урсгалаар доод хэсэгтээ багасдаг гэсэн тайлбарыг хийсэн байна. Б.Чимэдлхам [sgmb id="1"]