Аймгийн ИТХ-ын төлөөлөгч, ИТХ дахь АН-ын Бүлгийн гишүүн Д.Батхишиг намын бүлгээсээ гарах гэж байгаа тухай манай сайт өмнө нь мэдээлж байсан. Тэгвэл төлөөлгч Д.Батхишигийн талаарх шинэ мэдээллийг хүргэж байна. Аймгийн ИТХ-ын төлөөлөгч Д.Батхишиг хэд хоногийн өмнө АН-ын гишүүнээс гарах болсон тухай өргөдлөө Орхон аймгийн АН-д өгсөн аж. Одоогоор аймгийн АН-ын зүгээс аймгийн ИТХ-ын төлөөлөгч Д.Батхишигийн өргөдөлд албан ёсны хариу өгөөгүй байна. Түүний өргөдөл хаа яваа нь тодорхойгүй байгаа бололтой. Аливаа намд гишүүнээр элсэхэд анхан шатны нэгж болох намын үүрт өргөдлөө гаргадаг. Харин намын гишүүнээс гарах тохиолдолд тухайн хувь хүн сум, аймгийнхаа намын хороонд ханддаг гэнэ. Ямар ч байсан төлөөлөгч Д.Батхишигийн хувьд АН-ын гишүүнээс гарах болсон шалтгаан бүхий өргөдлөө албан ёсоор гаргасан нь баталгаатай аж. Харин АН-ын хувьд цаашдынх нь нөхцөл байдалд нөлөө үзүүлж болох талтай учраас Д.Батхишигийн өргөдлийг дарж байгаа бололтой.