Аймгийн ИТХ-ын Тэргүүлэгчдийн 18 дугаар хуралдаан саяхан болов. Хурлаар “Ээлжит хуралдаан зарлах тухай”, “Хугацаа сунгах тухай”, “Шагналд тодорхойлох тухай” асуудлыг хэлэлцлээ. Мөн Аймгийн ИТХ-ын ээлжит IX хуралдааныг ирэх сарын 1-ний өдөр зарлан хуралдуулж, дараах асуудлуудыг хэлэлцүүлэхээр тогтлоо. Үүнд: 1. Аймгийн эдийн засаг, нийгмийг 2017 онд хөгжүүлэх үндсэн чиглэлийн урьдчилсан гүйцэтгэл, 2018 оны эдийн засаг, нийгмийг хөгжүүлэх үндсэн чиглэлийн тухай 2. Аймгийн 2017 оны төсвийн тодотгол, 2018 оны төсөв батлах тухай 3. Аймгийн 2018 оны төсвийн төслийн боловсруулалтад хийсэн аймгийн ИТХ-ын Төсөв санхүүгийн хөгжлийн хорооны санал, дүгнэлт 4. Аймгийн 2018 оны төсвийн төслийн боловсруулалт, орлого нэмэгдүүлэх, зардал хэмнэх талаар гаргасан Аудитын газрын санал дүгнэлт 5. Аймгийн хэмжээнд газрын харилцааны талаар 2017 онд хэрэгжүүлсэн арга хэмжээ, 2018 онд баримтлах чиглэлийн тухай 6. Аймгийн Засаг даргын 2016-2020 оны үйл ажиллагааны хөтөлбөр, түүнийг хэрэгжүүлэх арга хэмжээний төлөвлөгөөний биелэлтийн тухай 7. Аймгийн ИТХ-ын байгууллагын 2017 онд хийсэн ажлын тайлан Дээрх асуудлуудын бэлтгэл хангах төлөвлөгөөг батлан хурлын хуралдаанд оруулж хэлэлцүүлэхийг холбогдох удирдлагуудад үүрэг болголоо.[sgmb id="1"] Мөн үйл ажиллагаа явуулах хугацаа дуусч, түүнийг сунгуулах тухай хүсэлт гарган холбогдох материалыг бүрдүүлж ирүүлсэн “Эрдэнэ зая Бандида Гончигсүмлин хийд”, “Төгс буянт хийд”, “Очир сүм” хийдүүдийн үйл ажиллагаа явуулах хугацааг гурван жилээр сунгасан юм.