Ус цаг уур, орчны судалгаа, мэдээллийн хүрээлэнгээс цас зудтай холбоотой газрын ажиглалтын болон хиймэл дагуулын олон төрлийн мэдээг боловсруулан гаргадаг аж. Өөрөөр хэлбэл, дээрх газраас арваннэгдүгээр сарын 30-ны байдлаар Зудын эрсдэлийн мэдээг гаргасан байна. .Арваннэгдүгээр сарын 30-ны байдлаар Монгол орны нийт нутгийн 50 гаруй хувьд цастай байна. Түүн дотроос Завханы Сонгино, Өвөрхангайн Бүрд, Булганы Могод, Гурванбулаг, Бугат, Бүрэгхангай, Дашинчилэн, Орхон, Хангал, Хишиг-Өндөр, Баяннуур, Рашаант, Орхон аймгийн Баян-Өндөр, Жаргалант суманд, Төвийн Лүн, Баян-Өнжүүлд 0,12-0,36 г/см3 нягтаршилттай, 21-45 см-ийн зузаан цастай байгааг тогтоожээ . 2017 оны 11 дүгээр сарын 30-ны байдлаар гаргасан зудын эрсдэлийн зургаас үзвэл нийт нутгийн 40 гаруй хувьд их (18% нэн их, 24% их), 20 гаруй хувьд (23%) нь дунд зэрэг эрсдэлтэй гарлаа. Үүнээс Увсын зүүн тал, Завханы баруун хагас, Баянхонгорын зүүн хойд хэсэг, Архангай, Өвөрхангайн залгаа нутаг, Булганы өмнөд хагас, Орхон аймаг бүхэлдээ, Төв аймгийн баруун хагас болон зүүн өмнөд хэсэг, Хэнтийн өмнөд, Дорноговийн хойд, Сүхбаатарын баруун болон зүүн хэсгээр хамгийн их эрсдэлтэй гарлаа хэмээжээ. [sgmb id="1"] Зудын нөхцөл байдал үүсээд байгаа дээрх аймаг, сумдыг эхний ээлжинд анхаарах, цаашид авах арга хэмжээг оновчтой, шуурхай зохион байгуулах, олон улсын болон хүмүүнлэгийн тусламж, дэмжлэгийг татан оруулах зэрэг арга хэмжээг эртнээс авч хэрэгжүүлэх шаардлагатай байна хэмээн мэргэжлийн байгууллагынхан зөвлөсөн байна. Гэтэл манай аймгийн Хүнс, хөдөө аж ахуйн газар гэх мэт мэргэжлийн байгууллагаас зуд болоогүй, өвөлжтлт хүнд, хүндхэн байна гэдэг мэдээллийг иргэдэд өгч байгаа нь бодит байдалд нийцэхгүй ажээ. Ямар ч байсан аймгийн Засаг даргын шийдвэрээр пүрэв гарагт аймгийн Онцгой комисс хуралдахаар боллоо.