[sgmb id="1"] Хэвлэл мэдээллийнхэн өнөөдөр Баян-Өндөр сумын ИТХ-ын VII хуралдаанд сууж байна гэж ойлгож байтал хэсэг бүлэг хүмүүсийн хэрүүл дээр орсон мэт сэтгэгдэл төрсөн. АН-ын бүлгийнхэн 2017 онд ОНХС-ийн хөрөнгөөр хэрэгжүүлсэн 2 тэрбум 116 сая төгрөгийн ажилд анхаарлаа хандуулан асуулт асууж лавлах болгонд Хурлыг даргалагч Б.Баасансүрэн болон Олонхийн бүлгийн гишүүдийн зүгээс “Улс төрийн тоглолт хийлээ, улс төржүүллээ, Камер хараад сэтгэл нь хөөрөөд буруу яриад байна” гэх мэтээр хариу өгч байлаа. Бүр сүүлдээ Хурлын дарга Б.Баасансүрэн “Би Мэндбаяр төлөөлөгчийн тойргийн хүн л дээ. Та сонгуулийн үеэр тойрогтоо таны түлээг чинь хөрөөднө, усыг чинь авч өгнө гээд явж байсан. Та тойрогтоо огт ажилладаггүй. Хорооныхоо хуралд ч суудаггүй шүү дээ. Та ахмад настай хүн байж болно. Ядаж л тойргийнхоо айл өрхийн 60 хувиар нь орчих л доо. Ийм байж улс төр хийгээд. Захиалгын телевиз оруулж ирчихээд түүнийгээ харахлаар том том дуугараад Захиалгынхаа телевизийг гарга л даа” хэмээн омогдов. Төлөөлөгч Г.Наранжав Баян-Өндөр сумын өмнөх Засаг дарга нар шүүх дээр асуудалтай байгаа шүү хэмээн хашхирч байх юм. Мөн төлөөлөгч Энхтөр “Хэвлэлийнхэн гар. Та нар хэрэгггүй” хэмээн сэтгүүлчдийг хөөж тууж бяртай, аатай байгаагаа мэдрүүлэх гэж оролдож байлаа.