Эрдэнэтийнхэн ихэнхдээ “Хүлэг” захаас хоолны махаа цуглуулдаг. Унаа машинтай, их хэмжээгээр нь мах авах иргэд Баянцагааны урд талын Мал, махны төрөлжсөн захаас махаа авдаг. Тэгвэл бидний өдөр тутам хэрэглэж байгаа мах “аюултай” болохыг Баян-Өндөр сумын Засаг дарга С.Ганцогт сумын ИТХ-ын хуралдаан дээр албан ёсоор мэдээллээ. Тэрбээр “Өнөөдөр та нарын идэж байгаа мах антибиотекийн үлдэгдэлтэй шүү. Иймээс 2018 оны ОНХС-ийн хөрөнгө оруулалт, төсөл арга хэмжээнд антибиотекийн үлдэгдэл тодруулах зорилгоор 20 сая төгрөг төсөвлөсөн. 2016, 2017 онд ч ийм замаар хөрөнгө, мөнгө төсөвлөж байсан. Та нарын идэж байгаа махыг шинжлэхийн тулд энэ 20 сая төгрөгийг зарцуулна” гэлээ. Эндээс харвал иргэд эрүүл мах идэж чаддаггүй юм байна, антибиотек буюу малын маханд элдэв янзын вакцины үлдэгдэл байдаг. Тэр нь хүний эрүүл мэндэд нөлөөлдөг учраас С.Ганцогт дарга арга хэмжээ авахын тулд 20 сая төгрөг тусгаж байгаа ажээ.[sgmb id="1"] Мөн тэрбээр энэ өдөр уур бухимдлаа барьж чадалгүй үе үе хэтэрхий эмоцитой байдлаар, дуугаа өндөрсгөж ирээд ширүүхэн мэдэгдэл хийж байсан. Тухайлбал, “АН-ыг эрх барьж байх үед спортын заалыг тэрбум гаруй төгрөгөөр барьж байсан. МАН-ын үед 350 сая төгрөгөөр барьдаг боллоо” хэмээн дуу алдлаа. Энэ үед хуралд оролцож байсан МАН-ын төлөөлөгчид алга нижигнүүлэн ташиж байв.