Татварын ерөнхий газраас 2017 оны Хувь хүний орлогын албан татвараас орлого чөлөөлөхөд бүрдүүлэх баримт бичгийн жагсаалтыг гаргажээ. Ингэснээр иргэдийн хувьд Хувь хүний орлогын албан татварын хөнгөлөлтөө эдлэх эрх үүсч байна. Иргэд 2017 онд хүүхдийнхээ сургалтын төлбөрийг төлсөн баримтаа үндэслээд хөнгөлөлт эдлэхээс гадна худалдаж авсан орон сууцны үнийн дүндээ тохирсон хөнгөлөлтийн эрх эдлэх юм. Орон сууцны хувьд дөрвөн төрлийн хөнгөлөлт эдлэнэ. Үүнд: Шинээр барьсан орон сууц худалдан авсан иргэдийн чөлөөлөлтөд хамрагдах анхны жилийн хөнгөлөлт Ашиглалтад байсан орон сууц худалдан авсан иргэдийн чөлөөлөтөд хамрагдах анхны жилийн хөнгөлөлт Өөрийн хөрөнгөөр барьсан орон сууц худалдан авсан иргэдийн чөлөөлөлтөд хамрагдах анхны жилийн хөнгөлөлт Орон сууцны чөлөөлөлтийг дараагийн жилүүдэдүргэлжлүүлэн эдлэх хөнгөлөлт багтаж байна. Сургалтын төлбөрийн хувьд Төрсөн буюу үрчилсэн хүүхдийн сургалтад төлсөн төлбөрийн баримтын хөнгөлөлт Хөдөлмөр эрхлэлтийн орлогоос төлсөн сургалтын төлбөрийн татварын хөнгөлөлт эдлэх эрх үүссэн байна. Иргэдийн хувьд татварын хөнгөлөлт эдлэх нөхцөлийг хангасан бол материалаа энэ оны нэгдүгээр сарын 15-наас хоёрдугаар сарын 15-ны хооронд бүрдүүлж аймгийн Татварын хэлтэст бүрдүүлж өгнө. Сургалтын төлбөрийн хувьд энэ жилээс эхлэн сугалааны дугаартай, бар кодтой “ebarimt”-ыг хүүхдийнхээ сурч буй сургуулийн Санхүүгээс авна. Өөрөөр хэлбэл, та сургалтын төлбөр төлсөн баримтандаа заавал Е баримт авсан байх шаардлагыг тавьж байна. Их, дээд сургуулиуд ч иргэдийн төлсөн мөнгөнд Е баримт олгох үүргийг татварын хуулиар хүлээсэн тул ийм арга хэмжээ авчээ. Бүрдүүлэх материалын жагсаалтыг энд дарж үзнэ үү. [sgmb id="1"]