Эрдэнэтчүүдийн хувьд бурхан болоочоо нутаглуулах газаргүй, бусдын газрыг царайчилдаг. Эрдэнэт хот анх байгуулагдахад л бий болсон баруун хойд зүгийн чимээгүй хот  маань Булган аймгийн Бугат сумын нутаг дэвсгэрт харьяалагддаг. Талийгаачийн алтан хайрцагийг нээлгэснээр алд биеийг нь оршоох алд төдий газрын зүг чиг гарч ирнэ. Тэр дундаа баруун болон баруун урд, баруун хойд зүгт таарвал Булган аймгийн Орхон, Бугат сумын нутагт сүүлчийн замд нь үднэ. Баян-Өндөр сум, Эрдэнэт хотын хэмжээнд иргэд бурхан болоочоо хөдөөлүүлэх газар албан ёсоор байхгүй. Аймаг, орон нутгийн зүгээс энэ байдалд анхаарлаа хандуулсаны үндсэн дээр талийгаачийг нутаглуулах зан үйлийг орчин цагийн чиг хандлагын дагуу хандаж шарил чандарлах үйлчилгээг нэвтрүүлэхээр ажиллажээ. Үүний хүрээнд Хогийн цэгийн нутаг дэвсгэрийн орчимд “Улаанбаатар буян” компанид шарил чандарлах үйлчилгээний зориулалтаар газар олгожээ. Тун удахгүй манай аймагт шарил чандарлах үйлчилгээг нэвтрүүлэх болно гэдгийг холбогдох албаныхан онцолж байна. [sgmb id="1"]