Байгалийн ухааны нэгдмэл хичээлийн олимпиадын үеэр Ерөнхий боловсролын сургуулиудын Заах аргын нэгдэл /ЗАН/-үүдийг үнэлсэн байна. Энэ удаагийн олимпиадад сургууль тус бүрээс шилдгүүд болох 5 сурагч оролцсон. Эдгээр сурагчдын олимпиадад авсан онооны  дунджаар сургуулиудын ЗАН-ийг дүгнэжээ.  Дүн гарахад Технологийн сургуулийн Ахлах сургуулийн ЗАН 85.4 оноогоор тэргүүн байрт шалгарсан юм. Эдний араас лаборатори наймдугаар сургуулийн ЗАН  64 оноогоор, “Орхон Эмпати” сургуулийн ЗАН 60 оноогоор, нэгдүгээр сургуулийн ЗАН 56.8 оноогоор хоёр, гурав болон шагналт дөрөвдүгээр байрт шалгарчээ. Манай аймаг олон жилийн өмнө байгалийн ухааны гүнзгийрүүлсэн сургалттай 14 дүгээр сургуулийг байгуулсан. Нэг хэсэг эцэг, эхчүүд тус сургуулийн сургалтын чанар өндөр гэж үнэлж гэр хорооллоос ч гэсэн хүүхдээ зөөдөг байлаа. Гэтэл 2017 онд сургуулийн удирдлагыг өөрчилж МАН-ын дэргэдэх НАМЭХ-ны Орхон аймгийн салбарын гишүүн бага ангийн багшийг Байгалийн ухааны гүнзгийрүүлсэн сургалттай дунд сургуулийн захирлаар томилсон. Нүдээ олоогүй томилгоо байсан уу ямартай ч энэ удаагийн олимпиадад тус сургуулийн сурагчид  тааруухан оролцож, тэдний авсан онооны дундаж үзүүлэлтээр ЗАН нь 56.2 оноогоор 5-6 дугаар байрт шалгарсан нь эцэг, эхчүүдийн төдийгүй багш нарын анхаарлыг татаж байсныг нуух юун. [sgmb id="1"]